Uchastka saylov komissiyalarining rais, rais o‘rinbosari va kotiblari ishtirokida o‘quv mashg‘ulotlar davom etmoqda.

Viloyatimizning barcha shahar va tumanlarida uchastka saylov komissiyalarining raislari, rais o‘rinbosarlari hamda kotiblari uchun o‘quv seminar-treninglar bo‘lib o‘tmoqda.

O‘quv kurslarini yuqori saviyada tashkil etish va o‘tkazish maqsadida malakali ekspertlar tomonidan o‘quv rejalariga muvofiq ma’ruza matni, topshiriq savollari, test, taqdimot, infografika, video-darslar ko‘rinishidagi o‘quv-uslubiy materiallar tayyorlangan.

O‘quv-amaliy mashg‘ulotlarning barcha bosqichlari ushbu materiallardan foydalangan holda interaktiv usullarda olib borilmoqda.

Uchastka saylov komissiyalarining rais, rais o‘rinbosari va kotiblari seminar-treninglarda o‘zlashtirgan bilim va ko‘nikmalari asosida dastlabki sinovdan o‘tkazilmoqda.

Sinov natijalariga ko‘ra, barcha qatnashchilar yetarli darajada malakaga ega bo‘lgani qayd etildi. 

Sinovlar kompyuter dasturlariga muvofiq amalga oshirilmoqda.