Xalqaro kuzatuvchilar saylovga tayyorgarlik jarayonlarini o‘rganmoqda

Xalqaro kuzatuvchilar Mari-Terez Karlen va Sergey Rigi Jizzax viloyatida saylovga tayyorgarlik jarayonlari qanday ketayotgani bilan tanishmoqda.

Hududlardagi saylov komissiyalari faoliyatini o‘rgangan xalqaro kuzatuvchilar 18-oktyabr kuni Hududiy saylov komissiyasida bo‘lib, Komissiya raisi Shavkat Sharipov, rais o‘rinbosari To‘lqin Yunusov hamda komissiya kotibi Dilshod Uralov bilan suhbatlashdi.

Suhbat jarayonida Mari-Terez Karlen saylov uchastkalari faoliyatini o‘rganish jarayonida ayrim savollar tug‘ilganini va ularga javob olish uchun kelganini ma’lum qildi.

Shuningdek, xalqaro kuzatuvchilar muddatidan oldin ovoz berish jarayoni qanday ketayotgani, shu vaqtga qadar qancha saylovchi ovoz bergani bilan qiziqishdi.

Xalqaro kuzatuvchilar o‘zlarini qiziqtirgan savollarga HSK raisi Shavkat Sharipovdan atroflicha javob olishdi.

Jizzax viloyati HSK

Matbuot markazi