Европада Хавфсизлик ва ҳамкорлик ташкилоти Демократик институтлар ва инсон ҳуқуқлари бўйича бюросининг Ўзбекистон Республикаси Олий Мажлиси Қонунчилик палатаси ва маҳаллий Кенгашлар депутатлари сайловини кузатиш бўйича миссияси вакиллари – Мари-Терез Карлен ва Сергей Риги Жиззах вилоятида сайловга тайёргарлик жараёнлари қандай кетаётгани билан танишмоқда

Ҳудудлардаги сайлов комиссиялари фаолиятини ўрганган халқаро кузатувчилар 11-октябр куни Ҳудудий сайлов комиссиясида бўлиб, Комиссия раиси Шавкат Шарипов, раис ўринбосари Тўлқин Юнусов ҳамда комиссия котиби Дилшод Уралов билан суҳбатлашди.

Суҳбат жараёнида Мари-Терез Карлен сайловга тайёргарлик жараёни уларда ижобий хулоса қолдираётганини эътироф этди.

Шунингдек, халқаро кузатувчилар муддатидан олдин овоз бериш тартиби, сайлов участкаларида жараённинг ташкил этилиши каби ўзларини қизиқтирган саволларга ҲСК раиси Шавкат Шариповдан атрофлича жавоб олишди.